اكيد الشعور بالخيانة بيبقى احساس فظيع
مش بس خيانة الحبيب لحبيبة
كمان خيانة الاهل لاولادهم
خيانة الاخ لاخوه
خيانة البلد لشعبها
خيانة الشعب لبلده
خيانة الصاحب لصحبة
كله فى الاول وفى الاخر خيانه بتهز القلب
وبتكسر حاجة جوانا
وعمرنا مانقدر الخيانة فى يوم من الايام
قدرت تخون ياقلبه
تنسى قلب كان مناه يعيش عشانك
من وحدته فاق واوام ندالك
سبت ايده
سبت حبه
سبت قلبه
سبته لية
هان عليك قلبه
هان عليك حبه
هان عليك دمعه
تيجو نتكلم عن خيانة كتير مننا ممكن يعملها وهو مش حاسس
خيانة بنئنب نفسنا لو فعلا عملناها
الخيانة دى هى ظلم الحبيب
مش دى برضه خيانة
لما تظلم الناس الى بتحبها وتظن فيها وحش
مش دى خيانة لقلبك لما بيتثبتلك انه ظلمته
قد ايه ضميرك بياْنبك انك ظلمت اغلى حاجة ليك
واتهمتها بالباطل لمجرد كلام سمعته
او موقف حصل وفهمته غلط
او موقف شوفته بس فسرته على مزاجك
اكيد ساعتها بتخونه
مش بتخونه بس
ده انت كمان بتخون قلبك
لان قلبك بيحب الشخص ده
ومش ممكن يخونه
وانت كده بعقلك وتفكيرك
خنت الاتنين حبيبك وقلبك
ومش بس كده
ده انت كمان اهنت حبيبك بكلامك او تصرف ما
وفاكر انك كده خدت حقك
ومش عارف انك سلبت حقه فى انه يشرحلك الموقف
وجرحته ومشيت بسهولة
حسيت بجرح
حسيت انك تعبان ومزهول
ومش مصدق ان حبيبك ممكن يعمل كده
هو مجروح اكتر منك
لانه اتظلم واتهم بحاجات معملهاش
بالعكس ممكن يكون اخلص انسان ليك
محتار مش عارف لية انت عملته كده
وجرحته اوى كده ظلمته وخنته ومشيت
انت ممكن تنسى وتكبر دماغك وتقول هنساه وتحاول تنساه
هو مستحيل يفكر زيك
مجروح بس لانه مجروح من اعز انسان لية
ويمكن الدمعة من عنيه مش بتنتهى
مش قادر يكرهك زى ماانت حاولت تكرهه وتنساه
اكيد هيبعد علشان ينسى الالم
ينسى الالم اكيد مش هيفكر ينساك...
وبعدين هتقدر انت تنسى لو قلبك حبه بجد
صدقنى مش هتقدر
هترجعله لما تعرف انك ظلمته هتبكى هتندم
وهو تفتكر ممكن يسامحك بسهولة.......
حتى لو سامحك عمره ماهينسى انك جرحته فى يوم
ياريت قبل ماحد يجرح او يخون حد بيحبه اوى................
يحسبها صح
كلام فى الحب قولناه
ومش هننساه ولا بننساه
بس اكيد الجرح فى قلبنا اتعلمناه